DreamGirl

Took a day off from the jo & wrote this, my first ever poem.....

DreamGirl

Ek pari hai jo sapno mein aati hai,
Aakar halke se dil ko loobhati hai,
pehle chup-chup rehti hai,
phir surkh hothon se kuch-kuch kehti hai

Haath thaamkar vo le chalti hai,mujhe kisi aur duniya mein,
jahan na din hai aur na raat hai,
Bas uski aur meri, yeh mulakat hai
Uske aanchal ki thandak,uske haathon ki narmi,
Ujle-ujle chehre par uski vo maasum muskaan
Thandi hawaaon ke jhonke deti uski vo lehrati julphen,
pyaar ke un chand palon mein vo,
Dil mein kuch karne ki chah jagaati hai
Ek pari hai jo sapno mein aati hai

Apni batoon se mujhe behlana,
Kabhi khamoshiyon se bahut kuch keh jaana,
Na gussa,Na krodh,Na kalesh, Na dvesh,
Manav ka yeh roop jab vo mujhe dikhlati hai,
Ek behter insaan banaa jaati hai
vo pyaar se uska mujhe samjhana,
meri kamiyon ka mujhe chupchaap ehsaas karana,
hazaroon haar ko meri bhoolkar,
meri ek jeet mein uska khush ho jaana
Har raat, vo phir se jeene ki iccha jagaati hai,
Ek pari hai jo sapno mein aati hai

Adios
Anuj

Disclaimer : DreamGirl ek khwaab nahi,ek ehsaas hai
kyonki khwab to hote hi hain tutne ki liye

So, my blog i fulfilled one of my wishes i told u last time. Just wish that there are many more
poems to come from my pen, or rather my keyboard :D

Movies watched this week
Mein,meri patni aur woh
Pirates of the Caribbean,Danny the Dog,MarksMan